Showing posts with label Allama. Show all posts

Tere Ishq Ki Inteha Chahta Hon By Allama Iqbal

Wednesday, 25 April 2012 · Posted in , , ,





Tere ishq ki inteha chahta hon

Mere saadgi dekh kya chahta hon



Sitam ho k ho wada-e-behijabi

Koi baat sabar aazma chahta hon



Ye jannat Mubarak rahe zahidon ko

K main aap ka saamna chahta hon



Koi dam ka mehmaan hon, ay ehel-e-mehfil

Chiragh-e-sehar hon bhuja chahta hon



Bhari bazm main raaz ki baat kehdi

Bara beadab hon, saza chahta hon


No Comments »

Ejaaz Hai Kis Ka Ye - Allama Muhammed Iqbal

· Posted in , , ,





Ejaaz hai kis ka ye gardish-e-zamana

Toota hai asia main ye sehar-e-firangana



Tameer aashiyan se main ne ye raaz paya

Ehel-e-nawa k haq main bijli hai aashiyana



Ye bandag Khudaye, wo bandage gadaye

Ya banda-e-Khuda ban, Ya banda-e-zamana



Ghafil na ho khudi se kar apni paasbani

Shayad kisi haram ka tub hi hai aastana



Ay La Illaa K waris, baqi nahi hai tujh main

Guftaar dilbarana, kirdaar kahiraana



Tere nigah se dil senon main kaanpte the

Khoya gaya hai tera jazba-e-qalandarana



Raaz-e-haram se shayad “Iqbal” ba khabar hai

Hain is ki guftugu k andaaz muhrimaana

No Comments »

Popular Posts