Tanha Ghar Se Bahar Jana Thek Nahi
Tum Masoom Ho Aur Zamana Thek Nahi
Saaf Dilon Ko Phir Se Mela Kar Dein Gi
Guzri Baaton Ko Duhrana Thek Nahi
Aisi Cheezen Door Se Achi Lagti Hain
Chaand Ko Apny Paas Bulana Thek Nahi
Aao Mery Haath Pe Apna Haath Rakho
Saael Ko Khali Haath Lutana Thek Nahi
Rafta Rafta Taabiren Beh Jaatein Hain
Nam Aankhon Mein Khuwb Sajana Thek Nahi
Chour Dost In Pathar Dil Insano Ko
Apny Dil Ka Haal Sunana Thek Nahi
