chalo aisa karain mil kay
sitaaray baant laitay hain
zaroorat kau mutaabiq sab
sahaaray baant laitay hain
mohabbat karne waalon ki
tijaarat bhi anokhi hai
munaafaa chor detay hain
khasaaray baant laitay hain
agar milna nahi mumkin
to lehron pe qadam rakh kar
abhi darya-e-ulfat kay
kinaaray baant laitay hain
meri jholi main jitnay bhi
wafa kay phool hain inko
ikathay beth kar ik roz
saaray baant laitay hain
mohabbat kay ilaawa paas apne
kuch nahi zeeshan
issi dolat ko ham
qismat kay maaray
baant laitay hain..............
No comments:
Post a Comment