be-aitadaliyon se subuk sab mein ham hue

Wednesday 11 April 2012 · Posted in ,



be-aitadaliyon se subuk sab mein ham hue

jitne ziyada ho gaye utne hi kam hue



pinhan tha dam sakht qarib ashiyan k

urne na paye the k giraftar ham hue



hasti hamari apni fana par dalil hai

yan tak mite k ap ham apni qasam hue



sakhtikashan-e-ishq ki puche hai kya khabar

wo log rafta-rafta sarapa alam hue



teri wafa se kya ho talafi ki dahar mein

tere siwa bhi ham pe bahut se sitam hue



likhte rahe junun ki hikayat-e-khunchakan

harchand is mein hath hamare qalam hue



Allah re! teri tundi-e-khu jis k bim se

azza-e-nala dil mein mere rizqe-ham hue



ahal-e-hawas ki fatah hai tark-e-nabard-e-ishq

jo panw uth gaye wo hi un k alam hue



nal-e-adam mein chand hamare supurd the

jo wan na khinch sake so wo yan aa k dam hue



chori 'Asad' na ham ne gadai mein dillagi

sail hue to ashiq-e-ahal-e-karam hue

Leave a Reply

Popular Posts